-->

مسلسل ود المك .. يعكس الواقع السوداني ويهتم بالقضايا الحيه و الحاره

 

مسلسل ود المك .. يعكس الواقع السوداني ويهتم بالقضايا الحيه و الحاره

مسلسل ود المك ؛ مسلسل سوداني من بطولة النجم الصاعد بقوة مصعب عمر "زول سغيل" وعدد من نجوم الدراما السودانية، و مسلسل ود المك يتم عرض حلقاته يومياً في شهر رمضان 2023، يتم عرض مسلسل ود المك علي قناة زول سغيل علي "يوتيوب" في تمام الساعة الثالثة عصراً وعلي شاشة قناة البلد السودانية عند الساعة 4:25 عصراً وعلي شاشة قناة سودانية 24 في تمام الساعة 8:30

و كتب المخرج السوداني هيثم الأمين عن مسلسله الجديد ” ود المك” الذي سيعرض في شهر رمضان:( المرة دي المشروع بالنسبه لي مختلف من كل النواحي وأجمل مافيه أنه كتجربه معموله بحب وروح الفريق طاغيه علي كل التفاصيل، عشان كده دايما بقول للناس القريبين مني أن مسلسل “ود ألمك” ماعباره عن مسلسل درامي والسلام، ود ألمك عمل بعكس الواقع السوداني وبهبش القضايا الحيه والحاره جدا وبتكلم عن واقعنا الإجتماعي والسياسي وبيناقش عدد من القضايا التي ظلت مصدر أرق وألم لنا كسودانين ، الموضوع بالنسبه لنا كا كاست أكبر من كونه عمل بنبحث عبره عن نجاحات شخصية او بطولات ذاتيه ، ماداير اتكلم عن مبالغ أو تكاليف إنتاجية لانه مهما كانت قيمة المبالغ دي مابتساوي 1% من القيمه الحقيقية للعمل المتمثله في تقديم عمل يليق بالمشاهد السوداني وتقديم عمل يشكل اضافه حقيقيه لمكتبة الدراما السودانيه، وتقديم عمل يساهم ولو بالقليل في عكس مشاكلنا المجتمعيه والمساهمه في ايجاد بعض الحلول حتي لو كان من باب القالب الدرامي ، دايما كنت بقول رمضان درامته سودانيه وبإذن الله رمضان السنه دي درامته حتكون سودانيه.)

يجدر ذكره أن المخرج هيثم الأمين مخرج مسلسل “سكة ضياع” الذي بث في شهر رمضان الماضي بقناة النيل الازرق.

وتم عرض مسلسل ود المك بداية أيام شهر رمضان المبارك ونال إعجاب الكثيرين علي مواقع التواصل الإجتماعي.


شاهد الحلقة الأولى من مسلسل ود المك من قناة زول سغيل علي "يوتيوب".



مقترحه لك: